疫情期間冇得出去練習可以點算?

疫情期間冇得出去練習可以點算? 真係留係屋企乜都唔做坐喺度變肥豬？😧真係唔郁？定係其實你可以⋯⋯⋯⋯





💁🏻‍♀️補充足夠蛋白質及身體營養



✰蛋白質，通常被視為身體嘅主要結構，足夠正常蛋白質攝取除咗可以幫助肌肉修復及重建，更可以穩定情緒。當然，除咗蛋白質仲有其他身體主要「燃料」，例如碳水化合物、脂肪、鈣質，均衡飲食係呢段時間非常之重要💪🏼💪🏼🥬🍎🍠



💁🏻‍♀️飲充分嘅水



✰飲水雖然係好簡單嘅事，但係一般人都經常忽略，飲水除咗可以幫身體排毒，仲可以幫助血管暢通，尤其是最近天氣越嚟越熱，喺抗疫期間都記得要飲水！💦💦



💁🏻‍♀️充足睡眠



✰唔好諗住 #workfromhome就可以夜瞓🤭，夜瞓除咗會拖慢新陳代謝，容易比病毒入侵身體，降低抵抗力，仲會影響運動表現添🥴，所以無論點樣在家抗疫都要早啲瞓😴😴 唔好捱壞身子



💁🏻‍♀️家中肌肉訓練



✰香港地小人多，又有幾多個人可以係屋企練舞啊，如果冇得練習，就唯有增強肌肉能力，俗語都有話「機會係留俾有準備嘅人」，一啲動作例如，踮腳、深蹲、平板支撐，都係需要少量空間就可以做到喇！😈



💁🏻‍♀️拉筋、身體記憶練習



✰瞓覺前拉筋15分鐘，除咗可以放鬆肌肉，提升睡眠質素，仲可以增加你跳舞嘅可能性，你今日拉咗未呢？🧘🏻🤸🏼



💁🏻‍♀️聆聽音樂、感受節奏



✰聽多啲音樂，可以提升我哋對音樂嘅靈敏度同節奏感，了解音樂不同的節奏組合，更加可以提升創作力🎶🎶



💁🏻‍♀️「維修」戰衣、舞鞋、準備比賽等物品



✰最近所有大型活動都暫停，未有比賽可以點做？睇吓自己戰衣舞鞋，有冇嘢需要「執一執」，準備定所有比賽需要用嘅物品，都要用嘅時候就唔使臨急抱佛腳啦😉🤟🏼